Normalización Fernán Esquío

Matarratos Darwin

2011-11-24T03:01:00.000-08:00

Matarratos Darwin

En setembro os grupos de 4º da ESo e 1º de bacharelato asistimos a "Matarratos Darwin"

Álvaro Cunqueiro

2011-11-24T02:45:00.000-08:00

No mes de Outubro o alumnado de 4º da ESO e 2º De bacharelato asistiu á exposición "Cen anos con Álvaro Cunqueiro"

EN GALEGO DE PELÍCULA

2011-11-24T02:31:00.000-08:00

O martes, 20 de decembro, asistiremos á película Crevisnki.

dança kuduro

2011-05-26T23:47:00.000-07:00

musica

JAUREGUIZAR

2011-04-11T02:17:00.000-07:00

O día 12 de abril está con nós o escritor Jaureguizar, Asistirá o alumnado de 3º e 4º de ESO

Concurso POESÍA E IMAXE

2011-03-24T03:04:00.000-07:00

Aquí tedes os debusos seleccionados para o concurso POesía e Imaxe:

Lingua persa:

Son a muller que despertou
erguinme e convertinme e tempestade
entre as cinzas
das miñas crianzas abrasadas

Podería entender a palabra “dor”
quen nunca tivese dor?

O pequeño cupido canso dos días de inverno
choraba laiándose polo triste ceo
ata que, pobre neno, chorou por todos os ollos
e medraron as violetas

LETRAS GALEGAS

2011-02-28T01:25:00.000-08:00

Este ano o día das letras galegas está adicado ó poeta monfortino Lois Pereiro, nesta páxina adicada integramente ó poeta, podedes consultar a súa biografía, obra, enlaces, fotos vídeos...
enlace da coordinadora galega con material sobre Lois Pereiro

CONCURSO POESÍA E IMAXE

2011-02-24T02:03:00.000-08:00

Come vén sendo habitual dende hai anos, a Coordinadora de Equipas de Normalización Lingüística e o Concello de Ferrol. convocan o XI Certame de Creación Artística Poesía e Imaxe En galego sen filtro.
Como sempre, o noso centro participará en dita actividade, tal e como estamos a facer dende a primeira convocatoria.

EN GALEGO DE PELÍCULA

2010-12-15T04:14:00.000-08:00

A próxima semana comeza a ctividade organixada pola coordinadora de Ferrol EN GALEGO DE PELÍCULA. O instituto colabora con dita actividade; o luns día 20 o alumando de 1º de ESO asistirá á proxección da película "Cargo", e o martes día 21 asistirá o alumnado de 1º de Bacharelato coa película "O concursante".

REVISTA

2010-10-28T07:23:00.001-07:00

LUSOFONÍA

2010-10-26T07:15:00.001-07:00

OS VELLOS NON DEBEN NAMORARSE

2010-10-25T01:17:00.000-07:00

A próxima semana asistiremos, en Narón, á representación teatral da obra de Castelao Os vellos non deben namorarse.
O martes, día 2, asistirá o alumnado de 3ª da ESO e 1ª bacharelato; o mércores, día 3, asistirá o alumnado de 4º da ESO e 2º de bacharelato.

TEATRO

2010-10-24T11:09:00.000-07:00

Teatro g 2010

View more documents from cenlf.

TALLER DE ROCK

2010-10-20T03:34:00.001-07:00

Como tódolos anos comezamos coa actividade do taller de rock, Funcionará nas horas de lecer e os xoves pola tarde ANÍMATE E PARTICIPA

CONCURSO CALENDARIO

2010-10-06T04:00:00.000-07:00

CONCURSO PARA REALIZAR O CALENDARIO

Convócase un concurso para posteriormente realizar un calendario coas obras elixidas:

Obras presentadas: podedes presentar fotos, eslogan….
A temática será o teu entorno ou a lingua galega.
Data: A data límite de entrega será o 5 de novembro.
As obras poden entregarse a Consuelo ou Miguel Anxo.
Premios: A persoa gañadora recibirá un vale con valor de 20 euros

PREMIO POESÍA E IMAXE

2010-06-06T01:15:00.000-07:00

Cartel do certame:

Como tódolos anos, o noso centro participou no concurso POESÍA E IMAXE organizado pola Coordinadora de Ferrol en colaboración co concello. Este ano unha das seleccionadas foi unha alumna do noso instituto. A inauguración foi o 31 de maio ás 19:00 no centro cultural Carbalho Calero.
Debuxo premiado presentado por Angela González Dopico (1ºESO Fernando esquío)
Título: Impermanencia

CELSO FERNÁNDEZ

2010-05-31T01:29:00.000-07:00

O martes,día 1 de xuño, estará con nós o contacontos Celso Fernández. Asistirá o alumnado de 1ª da ESo e 1º BACHARELATO.

PAULA CARBALLEIRA

2010-05-31T01:21:00.000-07:00

O luns 31 PAULA CARBALLEIRA falará sobre O LOBISHOME DE CANDEÁN ás 12,30 horas para os grupos de 3ºe 1º ESO

Teatro

2010-05-26T08:24:00.000-07:00

O día 4 iremos ver a obra de teatro Palabra no tempo

Teatro g 2010

View more documents from cenlf.

A mocidade coa lingua 2010

2010-05-25T11:01:00.000-07:00

Como outro ano máis, imos participar no festival musical "A mocidade coa lingua". Este ano temos a sorte de contar cun grupo do noso instituto NEDA YORK; así que estaremos todos alíanimando ó noso grupo e disfrutando da súa música e da dos demais grupos.

Cartel mocidade coa lingua

View more documents from cenlf.

Uxío Novoneyra

2010-05-11T04:02:00.000-07:00

UXÍO NOVONEYRA

2010-05-11T03:37:00.000-07:00

LETANIA PARA GALICIA

UXÍO NOVONEYRA

2010-05-10T01:41:00.000-07:00

UXÍO NOVONEYRA

O ano 2010 é adicado ó grande poeta Uxío Novoneyra. Nos seus poemas, Uxío Novoneyra reflicte o seu amor a Galicia, a súa cultura, a paisaxe e sobre todo a súa lingua, que consideraba o sinal de identidade do pobo galego. Da súa importante obra destacaremos Os Eidos, onde se perfila como un dos mellores poetas no tocante á paisaxística. O Courel será fonte permanente de inspiración.

“A fala é o único sitio onde seguen vivos os nosos antepasados”. “A nosa lingua é a nosa patria, aínda máis que o propio territorio”.

Letanía de Galicia

GALICIA digo eu ún di GALICIA
GALICIA decimos todos GALICIA
hast’os que calan din GALICIA
e saben sabemos

GALICIA da door chora á forza
GALICIA da tristura chora á forza
GALICIA do silencio calada á forza
GALICIA da fame emigrante á forza
GALICIA vendada cega á forza
GALICIA tapeada xorda á forza
GALICIA atrelada queda á forza

libre pra servir libre pra servir
libre para non ser libre para non ser
libre para morrer libre para morrer
libre para fuxir libre para fuxir

GALICIA labrega GALICIA nosa
GALICIA mariñeira GALICIA nosa
GALICIA obreira GALICIA nosa

GALICIA irmandiña
GALICIA viva inda
recóllote da TERRA estás mui fonda
recóllote do PUEBLO estás n`il toda
recóllote da HISTORIA estás borrosa

recóllote i érgote no verbo enteiro
no verbo verdadeiro que fala o pueblo
recóllote pros novos que vein con forza
pros que inda non marcou a malla d`argola
pros que saben que ti podes se outra cousa
pros que saben que o home pode ser outra cousa
pros que saben que o home pode ser outra cousa

sabemos que ti podes ser outra cousa
sabenmos que o home pode ser outra cousa

Se desexades ampliar a información, aquí tedes diferentes enlaces sobre Uxío Novoneyra

enlace1

http://www.coordinadoraendl.org/letras2010/uxio.ghp

http://www.seminariogalan.org/

http://www.realacademiagalega.org/GoToMainPage.do;jsessionid=4A0C4KB18E081A7395FFCCE28AAF71D2

http://www.galespa.com.ar/uxio_novoneyra_obra.htm

CORRELINGUA

2010-05-06T03:30:00.000-07:00

O DÍA 7 DE MAIO PARTICIPAMOS NO CORRELINGUA CO ALUMNADO DE 1ª DA ESO. EN APOI DA NOSA LINGUA DESFILAREMOS POLAS RÚAS DE FERROL CANTANDO O NOSO HINO
A miña boca non se equivoca
Alimenta ao planetaboura polo ventoa lingua dos galegosnon se aguanta nos museos.Eu quero ir polo mundomais por un mundo diversoonde cada home pouseo poder do seu acento.
¡ Fala, non pares!¡ Fala, non cales!
A miña boca provocaa miña boca non se equivoca.
Un saúdo os antergos,marcharon lonxe da casa,cantaruxaron a eitona Arxentina e Alemaña.Agora é o noso tempo,o camiño nas entrañas,p'ra fecundar o planeta coa forza da palabra.
¡ Fala, non pares!¡ Fala, non cales!
A miña boca provocaa miña boca non se equivoca.
Son o xigante do consumismoe moito me molesta que sexades distintos.A diversidade non me vai a diferencia é un problemap'ra vender o que me peta sempre coa mesma etiqueta.Eu son o dono do mundo vouvos comer o futuro.xa papei moitas linguas dentro do meu bandullo.
¡ Fala, non cales !¡ Fala, non pares !.

Os ciberirmandiños

2010-02-26T12:49:00.000-08:00

Milleiros de persoas colaboran desinteresadamente na galeguización de Internet

XOSÉ MANUEL PEREIRO 26/02/2010

Saben que a enciclopedia de referencia en Internet, a Wikipedia, ten en galego a décima parte dos artigos que en español, pese a que a porcentaxe de galegofalantes no mundo é 0,7% da de hispano falantes? Que hai aplicacións informáticas que se traducen antes ao noso idioma que ao francés ou ao alemán? Que tamén está traducida Facebook, a rede social que tende a ter tantos membros no mundo como usuarios de Internet, e na súa irmá emerxente, Twitter, o galego está entre os 20 idiomas máis usados? O idioma propio de Galicia ten unha presenza na Rede moito máis elevada que nos medios de difusión tradicionais, e todo iso non con subvencións oficiais, como reza o mantra neoliberal, senón grazas ao esforzo desinteresado de milleiros de persoas.

Todo comezou nunha época tan prehistórica en Internet como principios dos 90. Unha das primeiras asociacións, aínda vixente, é a Ciberirmandade da Fala, que fundou Camilo Regueiro. Daquela había 300 webs en galego (o ano anterior eran 95). Ao seu labor de tradución do software e difusión sumouse despois Galego21, un proxecto nucleado por Antón Méixome e Susana Sotelo e o autor do primeiro programa de tradución automática, Roberto Abalde, arxentino neto de galegos. Pero o crecemento exponencial deuse coa chamada web 2.0. A Internet aberta ao uso, e non só ao consumo, de calquera, con coñecementos de informática ou sen eles, e ao chamado traballo colaborativo.

A Galipedia, a Wikipedia en galego, tiña onte a mediodía 55.792 artigos. Entre os 272 idiomas que hai, está no posto 41º por número de artigos, por riba do hindi e do grego (o primeiro é o inglés, o segundo o alemán. O español está de oitavo, con 564.304, case empatado co portugués, e por detrás do polaco e o holandés). A Galipedia creouna en marzo de 2003 Ilvi, un internauta ao que nin sequera coñecen os administradores da Galipedia, que supoñen que é estadounidense. O primeiro usuario galego, Agremon (Antonio Gregorio Montes, un ribadense de 52 anos), rexistrouse en agosto dese ano. "Eu comezara a colaborar na Wikipedia en español, pero en canto vin aquilo, sumeime e fun metendo cousas ata que desde Wikipedia me propuxeron ser administrador", di Agremon, que agora sigue formando parte da ducia de administradores que coordinan a edición en galego. "Agora está en mans de xente máis nova", di este profesor de Física que anda a promover unha rede de páxinas científicas galegas. "O mellor foi coñecer xente con ánimos de facer cousas por Galicia, e o peor, os que se foron por desavinzas e os que se meten para desfacer o que fan outros".

Hoxe hai 17.000 usuarios rexistrados, aínda que non todos editan, pero tamén hai moitos que fan artigos de forma anónima. Entre uns e outros, van xa millón e medio de edicións. "Pode parecer fachendoso, pero a Galipedia ten máis calidade que as versións española ou portuguesa, pola sinxela razón de que é máis doado controlala. Retirar da Galipedia un artigo que aseguraba que en Curtis había tres lugares con nomes de Pokemon foi doado, abonda con ir ao nomenclátor. Retiralo da Wikipedia en inglés foi moito máis traballoso", argumenta Xabier Cid, un ourensán de 34 anos residente en Escocia. Outro dos administradores, Alberte Álvarez Gil, un veciño de Salceda de Caselas que estuda en Madrid, ten mesmo recollido no seu blog unha chea de esmendrellantes achegas que houbo que retirar. Non todos os vandalismos son divertidos. Álvarez Gil recoñece que non usa demasiado a Wikipedia en español desde que perdeu o tempo tentando corrixir -en van- Rianjo e tamén porque domina o inglés e algún idioma a maiores.

En Burdeos (Francia) vive Juan Lens, un arquitecto de 26 anos que foi dos primeiros en poñerse a traducir Facebook. "O máis interesante é que un grupo de tradutores amateurs estamos aprendendo o novo galego das tecnoloxías, e mesmo inventando sen medo usos como o de 'facerse seareiro de...' ou 'facerlle cóxegas a alguén'. Tamén teño visto castelanfalantes pechados que poñen o seu Facebook en galego e agradecen ver esas traducións que poderían ser controvertidas. A miña moza, que é polaca, hai unha semana cambiou o seu Facebook para o galego, e agora avísame das frases que hai sen traducir". Van 44.996 traducións entre Lens e o resto dos 172 tradutores activos, desde estudantes a profesionais como Fernando Ojea, director de Relacións Exteriores da CRTVG: "Foi o propio Facebook quen me invitou a traducir, non sei por que, e pareceume que era un bo xeito de espallar o galego polo mundo, elevándonos un pouco sobre o balbordo das nosas controversias lingüísticas cotiás. Probei e gustoume".

O altruísmo tamén o practican as empresas. Algueirada, sociedade de animación cultural, é o soporte de Blogaliza, a comunidade de blogs que agrupa e difunde 2.800 das 9.000 bitácoras que se estima existen en galego. Dálles hospedaxe, aplicacións e servizos de balde, incluído o de consulta técnica on line, un soporte certamente inhabitual. Todo, incluídos tres postos de traballo e tres colaboradores, sufrágase cos outros ingresos da empresa, sen axudas públicas. "Nunca as pedimos. A gran construción intelectual que é o software libre é unha economía de agasallo, que non é economía, pero si que o é. E na medida en que necesitamos axuda, a comunidade de blogs colabora, bota unha man etiquetando..." explica Pedro Silva, un vilagarcián de 37 anos que traballa a tempo completo en Blogaliza, onde se xuntaron esforzos voluntarios para realizar AchegArte, a feira cultural que substituíu ao Culturgal cando a Xunta non se fixo cargo.

Tamén A Navalla Suíza botou a andar hai un mes EuFalo.TV, que se define como "un documental colaborativo sobre a lingua e os falantes". Cento e pico de vídeos, gravados polos autores ou enviados pola xente, sobre qué se fala e por qué. Teñen 579 usuarios rexistrados, 2.230 fans en Facebook e levan 47.871 visitas dende o seu lanzamento. "Dende que nos xuntamos para montar a empresa tiñamos pensado que un proxecto ao ano fose propio e feito pola ben da comunidade", sinala o coordinador d'A Navalla, Berto Yáñez, un viveirense de 31 anos, que non zafa do debate de se facer as cousas de balde supón competencia desleal ou incide negativamente no emprego. "O importante é 'facer cousas', e facelas pola comunidade é crear riqueza, directa e indirectamente. Un exemplo claro é o software libre, todo ese traballo feito gratuitamente ao longo dos anos derivou en moreas de empregos", asegura. "As culturas colaborativas, capaces de crear riqueza dende a colaboración, progresarán. As que seguen un modelo medieval sostido na autosuficiencia, desaparecerán", di, máis categórico, Xabier Cid.

Música galega de toda á vida

2010-02-25T14:41:00.000-08:00

¡ DIXITALIZA E COMPARTE !
A idea deste caderno é recuperar obras da nosa música galega, que foron quedando acurrunchadas polo paso do tempo en vellos vinilos, casetes, singles, EP's, etc. e que están agardando unha oportunidade para ser dixitalizadas e espalladas de novo.

A tele da Nasa

2010-02-25T10:55:00.000-08:00

Nunhas semanas estará funcionando RedeNasa.TV, o espazo dixital que derrubará -virtual e definitivamente- os muros da Sala Nasa. Estan preparando ducias de horas de vídeo, tanto material novo como de arquivo, e aquelando uns novos camarotes do máis confortable para tripulación e visitantes. Ficade atentos ás vosas pantallas.

A NASA é unha iniciativa privada, aberta e independente, impulsada polo grupo CHÉVERE e xestionada por artistas. A NASA leva funcionando con regularidade desde 1992 en Santiago. A NASA actúa como centro de recursos artísticos para os creadores locais. A NASA apoia a dinamización socio-cultural. A NASA fomenta a producción e exhibición de novas formas de espectáculos, sempre atentos ás novas expresións, ós creadores máis novos e ás propostas artísticas que non atopan canles para a súa difusión nos circuítos habituais. Teatro, cabaré, variedades, rock, folk, blues, flamenco, vídeo, exposicións, instalacións, performances, talleres. Unha tempada de programación estable de outubro a xuño. Produccións propias. Publicacións e edicións limitadas. Festivais. Documentación alternativa.

A 3 linguas

2010-02-25T04:21:00.000-08:00

The best way to learn Galician

2010-02-03T05:09:00.000-08:00

Concurso San Valentín

2010-02-03T03:04:00.000-08:00

CONCURSO SAN VALENTÍN

Con motivo da celebración de San Valentín este mes de Febreiro Normalización convoca un concurso entre todo o alumnado.
Bases:
Tema: poderán presentarse poemas, ditos, frases de temática amorosa (en lingua galega).
Prazo: deberán entregarse antes do fin do mes de febreiro (entregar a Consuelo).
Premio:
-15 euros para material escolar.
Os traballos presentados poderán ser publicados na revista (Vaidaí) e no blog de Normalización.

Informe do Consello da Cultura sobre o decreto do galego

2010-02-03T03:00:00.000-08:00

Ditame Ccg Bases Decreto

View more documents from cenlf.

INFORME DA REAL ACADEMIA GALEGA SOBRE O DECRETAZO DO PP

2010-01-20T01:09:00.000-08:00

Analise Bases Rag 16 01 2010

View more documents from cenlf.

Alegacións contra o decretazo

2010-01-20T00:59:00.000-08:00

Don/ Dona…………………………………………. con DI……………………….. e domicilio en………………………………………………………………………………………………………….
En relación coas Bases para a elaboración do decreto de plurilingüísmo presentado publicamente a noite do 30 de decembro de 2009, presenta as seguintes

ALEGACIÓNS

O borrador de decreto presentando na noite do 30 decembro:

1) Non garante que os estudantes finalicen cada etapa educativa coas destrezas lingüísticas tamén en galego.- Todos os informes oficiais sinalan que hai un problema para conseguir que boa parte dos rapaces e das rapazas, sobre todo nas zonas urbanas, teñan fluidez comunicativa en galego. Diminuír a presenza da nosa lingua non fará máis que agravar a situación, vulnerando o dereito do alumnado a unha educación de calidade e pondo en perigo a pervivencia da nosa cultura.

2) É unha proposta feita de costas á sociedade galega.- O presidente da Xunta sabe que non conta con ningún consenso do profesorado, o estudantado, as familias e da sociedade en xeral para este decretazo. Por iso o presentou na véspera de fin de ano, a última hora do serán, e sen que existise ningún proceso previo de diálogo nin contraste.

3) Suporá enfrontamentos nos centros.- A Xunta fai deixadez das súas funcións e traslada o problema ao profesorado, ao estudantado e ás familias, que serán parcialmente consultadas (ben tendo en conta só o criterio da maioría, sen que se saiba que pasará coa minoría que se sinta perdedora; ben dando unha opinión cada catro anos, o que significa que uns pais darán a súa consideración sobre a educación das fillas e dos fillos doutros). A política lingüística e educativa non se pode limitar á opinión que poida ter a comunidade escolar, porque nos corresponde a todas as galegas e a todos os galegos. Hai que ter presentes criterios pedagóxicos e o dereito a unha educación en igualdade.

4) É unha burla á cidadanía cando di que se vai impartir un terzo das materias en inglés, cando sabe que iso é totalmente inviábel, e sen se preocupar do fracaso escolar.- O presidente da Xunta mente conscientemente cando fala de “plurilingüismo”, pois sabe que iso é imposíbel de aplicar. Só utiliza o inglés para camuflar propagandisticamente o ataque contra o galego. Na verdade, os departamento de inglés non teñen un reforzo real para mellorar a aprendizaxe desta lingua e mesmo se recortan os recursos para a formación do profesorado e se reduce o número de profesores/as das escolas oficiais de idiomas. O reforzo e mellora do ensino de inglés no sistema educativo galego debe facerse con máis profesorado específico, con máis recursos e con grupos máis reducidos

5) Vulnera leis básicas aprobadas por consenso e tratados internacionais de dereitos lingüísticos.- O decreto que o Goberno galego quere impor unilateralmente vulnera a letra e o espírito da Lei de normalización lingüística (arts. 12 e 13), así como da Carta europea de linguas rexionais ou minoritarias (art. 8). Un goberno serio, cívico e responsábel cumpre as leis e os tratados internacionais de dereitos humanos e de dereitos lingüísticos.

6) Porque é unha agresión á dignidade da nosa cultura que haxa un goberno da Xunta que ande ás patadas coa lingua propia do noso país.- Temos que erguer a nosa voz con claridade e exclamar que, independentemente do idioma que falemos no noso día a día, os galegos e as galegas amamos a nosa lingua propia e queremos que non haxa políticas para discriminala, senón ao contrario: que se promova nos diferentes ámbitos, garantindo a igualdade de dereitos.

Fronte á imposición unilateral de Alberto Núñez Feijóo, reclamo que se escoite a voz das comunidades educativas. O presidente da Xunta debería lembrar que o decreto aínda en vigor contou co respaldo dos sindicatos que representan ao 90% do profesorado, a inmensa maioría das ANPAs, todas as organizacións estudantís e todos os movementos de renovación pedagóxica con actuación en Galiza. O seu decreto contra o galego, ao contrario, non xera máis que rexeitamento e preocupación.

Por todo isto

SOLICITA

A aplicación real e efectiva do decreto 124/2007 e do Plan Xeral de Normalización Lingüística aprobado por consenso e unanimidade polo Parlamento Galego.

Asdo:

Don/ Dona

En ……………………….a.. de xaneiro de 2010

LOITEMOS CONTRA O DECRETAZO

2010-01-20T00:46:00.000-08:00

POSICIONAMENTO DOS EQUIPOS DE NORMALIZACIÓN DE FERROLTERRA
NormalizacióN LingüíStica

View more documents from cenlf.

2010-01-11T05:41:00.001-08:00

FOLGA EN APOIO Ó GALEGO

2010-01-10T10:33:00.000-08:00

Boas Festas para tod@s

2009-12-19T08:11:00.001-08:00

Creación de Superhéroes Galegos

2009-12-11T13:04:00.000-08:00

Centoloman xa é un cómic

Anímaste a crear un?

Traballando cos nomes das árbores: o alfabeto Ogham

2009-12-07T12:08:00.000-08:00

XVI XORNADA MULTIMEDIA INTERESCOLAR PONTE NAS ONDAS

2009-12-02T07:41:00.000-08:00

O idioma é o tempo, é a voz dos avós A fala. Manuel María

Non ha morrer a fala que herdamos dos avós, e se un día morrer xa non seremos nós. Darío Xohán Cabana

A Asociación Cultural e Pedagóxica Ponte…nas ondas! convoca a
XVI edición da xornada multimedia de comunicación interescolar que terá
lugar no mes de abril de 2010 coincidindo co Congreso que sobre os 15 anos
de Ponte...nas ondas! se realizará nesa data.

Dende o ano 1995, Ponte...nas ondas!, a experiencia de comunicación que
se ergueu nas beiras do Miño, foi evolucionando e incorporando novas
aportacións, tanto nos seus contidos como nos seus formatos. Dende unha
primeira ponte, exclusivamente radiofónica, chegamos a esta XVI edición que
vai ser realizada a través de Internet con programas de audio e vídeo, nunha
xornada de comunicación que xirará arredor do tema:

O TESOURO DOS AVÓS

É evidente que os avós constitúen, na sociedade actual, o elo fundamental da
cadea de transmisión do patrimonio cultural que conforma a nosa identidade.
Ademais, o contacto interxeracional representa un modelo de convivencia
enriquecedor e beneficioso para a formación do alumnado.
Por iso, propomos ás escolas e institutos que constrúan unha ponte de
comunicación entre o alumnado e os seus avós: Queremos que descubran
os saberes que atesouran e que o reflictan nun programa audiovisual ou
radiofónico, valorando os seus coñecementos e fomentando as relacións entre
diferentes xeracións.
Isto permitirá, ademais da aprendizaxe, a recolla de expresións e
manifestacións deste patrimonio cultural como contos, lendas, cancións,
refráns, adiviñas, oficios, xogos, música, formas de vida, etc.
Deste xeito, dáse continuidade á proposta dos Tesouros Vivos, lanzada na
pasada edición de xuño de 2009, que promove a creación do Sistema dos
Tesouros Vivos da Eurorrexión Galiza-Norte de Portugal.

PARTICIPACIÓN :
Para formalizar a inscrición na XVI Xornada Multimedia Ponte...nas
ondas! do voso centro escolar enviade un correo electrónico coa ficha que se
acompaña cuberta antes do día 31 de decembro de 2009 a:

ondas@pontenasondas.org

Nome do centro_______________________________________________
Rúa:__________________________________________ Nº____________
Localidade______________CP_______Provincia_____________________
Correo-e do centro______________________________________________
Profesor/a responsable da actividade_______________________________
Correo-e da persoa responsable __________________________________

Unha vez inscrito, cada centro educativo realizará un programa, quer de radio ou de vídeo, sobre o tema “ O TESOURO DOS AVÓS”, que se propón para
esta edición. Os traballos serán enviados por correo electrónico antes do 19 de marzo de 2010.

Para participar, falade con Miguelanxo ou con Carmela

O galego ante a lei

2009-11-21T02:47:00.000-08:00

Interesantísima intervención da maxistrada Ana lópez Suevos falando do status xurídico do galego e a necesidade de avances.

A terceira experiencia audiovisual do SGEP , a curta "Por nada", segue conseguindo premios

2009-11-10T01:23:00.000-08:00

A curta de ficción, “Por nada” sobre a violencia xuvenil e o ciberacoso (ciberbulling), dirixida por Toni veiga e Dani de la Torre sobre un guión do propio Toni Veiga e de Manolo Dios, presidente do Seminario Galego de Educación para a Paz, realizada por Ficción Producciones, ven de recibir, por unanimidade, o Premio ó mellor guión no prestixioso festival de curtas “OctubreCorto” en Pamplona.
Por nada, de aproximadamente 15 minutos de duración, contou co asesoramento do Seminario Galego de Educación para a Paz e ademais da súa propia valía cinematográfica, ben recoñecida nos festivais que logo se relacionan, foi distribuído gratuitamente a tódolos colexios e institutos de Galicia como material de traballo didáctico na nova materia de Educación para a Cidadanía e os Dereitos Humanos e, de maneira especial, para abordar co alumnado de Secundaria e cos pais e nais, a conflitividade e a convivencia escolar, así como as consecuencias negativas dunha educación permisiva e superprotectora.
Por nada é a terceira experiencia audiovisual do SGEP logo de “En son de paz” e de “Cultura de Paz”.
Os Premios recibidos ata a data pola curta “Por nada” son os seguintes:
Seleccionado no Curtas 09 para distribución internacional.
Premio do xurado no Festival de Cans.
Premio do público no Festival de Cine de Astorga.
Gran Premio Galicia no Curtocircuito.
Premio ó mellor guión no Festival de Cine "Octubrecorto".
Podedes ver unha entrevista cos guionistas, Toni Veiga e Manolo Dios. Para visionar o vídeo

Espazos para falar

2009-11-09T02:16:00.000-08:00

A Coordinadora de Ferrol comeza coa actividade de campaña de animación á lectura, dirixido a nenos e nenas de 0 a 8 anos, así como a seus pais. Para máis información pincha aquí

Himno galego

2009-10-19T12:01:00.000-07:00

Como remate final da marcha en defensa do galego celebrada o día 8 de outubro en Santiago, tódolos presentes cantamos o Himno

EN DEFENSA DO GALEGO

2009-10-19T11:43:00.000-07:00

O día 18 de outubro numerososos galegos preocupados pola situación actual do noso idioma acudimos a Santiago baixo a consigna "queremos galego

Ruada en ferrol en favor da nosa lingua

2009-10-07T10:21:00.001-07:00

Marisa Monte e Julieta Venegas a dúas línguas

2009-09-29T11:41:00.000-07:00

En galego de película

2009-09-29T04:31:00.000-07:00

Este ano, como tódolos anos, continuamos coa actividade de En galego de película, promovida pola coordinadora de Ferrol

En Galego De Pelicula 09

View more documents from cenlf.

manifestación o 18 de outubro

2009-09-29T04:03:00.001-07:00

Para máis información accede á páxina de Normalización de Ferrol

Taller de rock

2009-09-29T03:05:00.000-07:00

Ola a todos!
Como tódolos anos , comeza o taller de rock. Esta actividade é ofertada por Normalización e será dirixida, como sempre, polo profesor de debuxo Miguel Anxo. Así que , se che gusta a música, xa sabes..........anímate a participar no taller

Ata logho amigos, tres, dous, un, partíu

2009-06-09T13:55:00.000-07:00

A MARCHA DE XURXO SOUTO
A música galega, pechada por reformas?

Resposta das CGENDL ó inquérito

2009-06-09T06:21:00.000-07:00

CARTA-PRESENTACIÓN DO TRÍPTICO INFORMATIVO DA CGENDL
Os membros da CGENDL, docentes que traballamos nos colexios e institutos no día a día e que,polo tanto, coñecemos a realidade dos centros e a súa situación lingüística, vemos con moita preocupación o problema xerado nos últimos tempos arredor da presenza das linguas no ensino, que derivou nunha confrontación aberta arredor dun ben común que nos tiña que unir, a lingua galega.Consideramos que a convivencia do galego e o castelán non ten que ser un problema senón unha vantaxe, unha oportunidade para a nosa sociedade. Algo que todos os estudos, e que o sentido común da inmensa maioría da poboación galega avala, vén sendo perigosamente interpretado dende determinados sectores políticos. E máis perigoso é que se trasladen ós centros de ensino problemas que non atenden a razóns pedagóxicas, abocándonos cara a un escenario de lamentable confrontación social.
Ademais pensamos que dende unha perspectiva pedagóxica todos os implicados no ensino
deberiamos centrarnos en conseguir que os nenos e nenas sexan igualmente competentes en galego e castelán. Polo tanto, o debate que se ten que abrir é precisamente este: que medidas temos que adoptar para conseguir que os rapaces e rapazas dominen plenamente as dúas linguas, tal e como establece a LOE.
Neste contexto elaboramos un tríptico destinado ás familias que é o que hoxe presentamos, e que se vai distribuír na medida das nosas limitadísimas posibilidades. Por que este tríptico? porque parece que hai que volver recordar que o galego é a lingua propia de Galicia; que nos pertence a todos e todas e non podemos xogar co seu futuro, porque intereses políticos, que non educativos, veñen de crear un problema no ensino arredor das dúas linguas oficiais que pode derivar nunha perigosa fractura social, polo tanto COMO DOCENTES pensamos que debemos ofrecer información rigorosa sobre a aprendizaxe de linguas baseada en estudos científicos que se fixeron tanto dentro coma fóra da nosa comunidade.
E dito isto, queremos insistir en:
a. é unha sorte, non é unha desgraza, que a nosa comunidade conte cunha lingua milenaria, que nos debe unir. Polo tanto non se debe permitir que triunfe a idea de que o galego é un obstáculo para os estudantes, mantendo vellos prexuízos que no século XXI deberían estar plenamente superados, pero que pretenden manter relegada a lingua galega nun lugar secundario na sociedade.
b. se é evidente que para mellorar a competencia en lingua inglesa é necesario que se impartan en inglés determinadas materias, a sociedade galega debe asumir tamén o mesmo para a lingua galega, é dicir, que para saber galego é necesario “aprender en galego”.
c. o galego segue a ser unha lingua minorizada na nosa comunidade e polo tanto necesita unha discriminación positiva tanto dentro coma fóra do ensino.
Estes parécennos motivos suficientes e razoables para difundir este tríptico entre as familias e a sociedade galega en xeral. Polo tanto, está á disposición de todos aqueles ENDL, ANPAS, direccións de centros ou calquera persoa da comunidade educativa ou relacionada co mundo do ensino, e mesmo da sociedade en xeral, que queira difundilo.
BREVE VALORACIÓN DA ENQUISA DA CONSELLERÍA DE EDUCACIÓN
A enquisa que a Consellería de Educación e Ordenación Universitaria pensa distribuír esta mesma semana entre as familias a través dos centros educativos é pouco rigorosa e mostra un grande descoñecemento tanto da sociolingüística coma do mundo do ensino, o que nos parece aínda máis grave.
Por poñer un exemplo, non existen materias troncais no ensino non universitario, esta é unha terminoloxía do ensino universitario. Polo tanto, o señor Conselleiro debería saber que o que hai son materias obrigatorias e optativas, propias de modalidade ou non. É así que non vén a conto empregar o termo “troncais” porque non hai unhas materias máis importantes ca outras, todas teñen unha misión educativa global.
Centrándonos na cuestión da análise sociolingüística, nunha breve análise podemos observar:
1. En qué documento, lexislación, tratado, artigo ou normativa aparece recollido o dereito a escolleren os pais a lingua da docencia dos fillos? Porque si existen moitos outros dereitos que as persoas, na maior parte dos casos, non poden exercer, por exemplo o dereito a seren atendidas en galego na Xunta de Galicia cando o soliciten.
2. Estase preguntando sobre un dereito, “o dereito de coñecer o galego”, fallando na metodoloxía,porque tal e como están presentadas as preguntas non fai falta ser moi experto para darse conta de que o que se extraia de aí non pode valer para moito e menos para facer un novo decreto. Porque? Nas opcións de resposta vemos:
· “todo en galego” que non se refire a todo o ensino en galego, senón a tódalas materias, que na
enquisa se denomina troncais, en galego.
· “a maioría en galego” (que é a maioría?: o 52% ou o 95%?),
· “unhas en galego e outras en castelán”, a xente pode pensar que esta é a mellor resposta porque
indicaría o 50% e iso non é certo. Se queremos que o 50% do ensino estea en galego hai que
contestar “todas en galego” que é o que marca o actual decreto.
3. Tampouco é fiable xa que non presenta as mínimas garantías de calquera consulta para que os resultados sexan cribles. O universo da investigación parece que vai ser todo, pero, como o van garantir?
· A cantos pais lles vai chegar? Nestas alturas de curso, como van facer para que o alumnado entregue na casa a enquisa e a traia de volta no prazo duns días. Ademais, como van asegurar que a enquisa a van contestar os pais que deban facelo?

Inquérito da xunta sobre o galego na educación

2009-06-05T04:53:00.000-07:00

Así son as preguntas que enviará a Xunta aos pais. O Conselleiro de Educación, Xesús Vázquez, presentóu os cuestionarios que enviará a 330.000 familias a partir da próxima semana.O cuestionario comezará a repartirse aos cativos nas escolas a partir do próximo venres. Son voluntarios e anónimos.A responsabilidade de custodiar os sobres e garantir que non se falsean recae nos equipos directivos dos centros. O reconto farao a propia Consellería de Educación.
Máis información na rede
GZnación
GaliciaÉ (CIG ensino)
La Voz de Galicia
Xornal.com
Faro de Vigo
Os Equipos de Normalización alertan do perigo dunha fractura social;
Vieiros: Galiza Hoxe - Edición xeral
A coordenadora de docentes vai distribuir milleiros de dípticos en 500 centros públicos e concertados para que os pais teñan información con criterior pedagóxicos para cubrir as enquisas de Educación.
A CIG anuncia un recurso administrativo contra as enquisas que prepara Educación
Vieiros: Galiza Hoxe - Edición xeral
O sindicato presentou un escrito na consellaría denunciando que a consulta vulnera a Lei de Procedemento Administrativo.

Ponte nas ondas

2009-06-04T08:50:00.000-07:00

Teatro

2009-06-03T03:27:00.000-07:00

Os días 12 e 15 de maio o grupo de teatro do centro representou a obra A consulta do doutor de Fina Casalderrey
Teatro con G - 09

View more PDF documents from cenlf.

Estíbaliz Espinosa

2009-06-03T02:42:00.000-07:00

No mes de marzo, como xa anunciamos, comezou o obradoiro de literatura impartido pola escritora Estíbaliz Espinosa.
Memoria da actividade do obradoiro

Riveiro Coelho

2009-06-03T02:34:00.000-07:00

Este mes de abril estivo con nós o escritor Antón Riveiro Coelho,aquí podedes ver algunhas fotos da súa visita ó noso centro.

a mocidade coa lingua

2009-06-03T02:07:00.000-07:00

A Mocidade Coa Lingua 2009

View more PDF documents from cenlf.

Como un ano máis imos participar na actividade de A mocidade coa lingua, promovida pola Coordinadora de Ferrol; este ano actuará o grupo de rock do noso instituto O ghaiteiro de Trashmonte. Actuará o día 19 de xuño no parque Raíña Sofía. Estaremos todos alí para animalos

situación da lingua

2009-05-29T04:24:00.000-07:00

a nosa situación actual vista con humor

ARAGUAS , escritor de xubia, no Galicia Hoxe

2009-05-28T14:37:00.000-07:00

Os máis perigosos son os galegos que desprezan a lingua

Novo diccionario francés-galego

2009-05-28T14:07:00.000-07:00

Editado por Xerais, e con máis de 25 mil entradas de léxico, trátase do primeiro que recolle as correspondencias entre as dúas linguas.

O dicionario, o primeiro publicado de correspondencias entre o galego e o francés, está completamente actualizado á normativa ortográfica aprobada pola Real Academia Galega de 2003, completándose con senllos apéndices gramaticais, onde se recollen as conxugacións verbais francesa e galega, así como senllos prontuarios gramaticais de cada unha das linguas.

Editado por Xerais, foi preparado por Luís Castro Macía e Remedios Rodríguez Sánchez, e conta con 25.000 entradas do léxico estándar de cada unha das dúas linguas. En cada unha das entradas sinálase, ademais, a súa transcrición fonética, a súa categorización gramatical, a fraseoloxía de uso máis habitual, así como, cando fose necesario, a precisión da súa tradución. Con case mil páxinas, ten un prezo de 29 euros.

Deus que te crew

2009-05-26T02:57:00.000-07:00

Temos aquí outra mostra de rap galego do grupo Dios que te creW

Deus que te crew

2009-05-26T02:53:00.000-07:00

kizomba

2009-05-26T02:50:00.000-07:00

aquí temos outra mostra de Kizomba de Cabo Verde

kizomba

2009-05-26T02:47:00.000-07:00

frikis, bromas

2009-05-26T02:41:00.000-07:00

frikis, bromas

2009-05-26T02:37:00.000-07:00

Kizomba

2009-05-26T01:38:00.000-07:00

Kizomba é un baile orixinario de Angola, Angola foi unha colonia portuguesa polo que as letras estaban en portugués. Este baile e música espalláronse por Cabo Verde e Brasil e as súas letras actualmente seguen estando en portugués.

Novas da Asociación Pedagóxica galega

2009-05-24T15:21:00.000-07:00

1.- Un novo Xogo. A AS-PG publica na rede un novo xogo. O Xogo da Curuxa.

O xogo da Curuxa está baseado no xogo da oca. Consiste en lanzar o dado e ir movendo a ficha ao longo dun taboleiro en espiral formado por cadros, tendo algúns deles asociadas accións especiais como bonificacións ou castigos. A diferenza do xogo clásico, cando o/a xogador/a cae nun cadro deberá superar unha proba para poder ficar nel, evitar un castigo etc. Para gañar a partida é preciso chegar até o último cadro e superar a súa proba. A versión publicada é monousuario, mais para comezos do verán aparecerá a versión final que permitirá xogar entre varios xogadores.

2.- Comeza a IV Semana do libro e a lectrura en Carballo. Será inaugurada o domingo 24 de maio ás 12:30 no Pazo da Cultura

3.- Concerto-Presentación do Disco Cancións para Antía. O domingo día 24, ás 12:30 no Teatro Rosalía da Coruña. Entrada libre até completar aforo.

Núnez Singala

2009-05-22T04:27:00.000-07:00

O próximo día 27 de maio estará con nós o escritor Núnez Singala

Singala é o autor de Comedia Bífida

Celso Fernández

2009-05-22T01:18:00.000-07:00

Como xa tiñamos anunciado, e con motivo de celebrar As Letras Galegas, onte veu ó noso centro o contacontos Celso Fernández; estivo con nós hora e media e a súa actuación foi tan xenial que se nos fixo escasa.
Celso di que o seu repertorio é variado porque quere tocar diferentes temas que el considera interesantes (a emigración, a pobreza, os contos de sempre como os de reis e princesas....), sempre ten en conta que está a falar con adolescentes e nun centro educativo, polo que os seus contos teñen tamén un marcado carácter didáctico ( sen esquecer en ningún momento o humor).
Todo o seu repertorio ten un fío condutor , que é o que lle dá unidade: os contos orais tradicionais. Celso di que ten un especial interese en ir recompilando relatos tradicionais e analiza a técnica e linguaxe utilizada, deste xeito fornece e mellora o seu repertotio.
En resumo, pasamos un rato estupendo con Celso e desexamos volvelo a ter entre nós en pouco tempo.
Grazas Celso e ata pronto!

Galego - English: Readgalicia

2009-05-20T11:14:00.000-07:00

Readgalicia.com é un catálogo de dereitos aberto que ofrece unha primeira selección realizada polas editoriais das últimas obras da literatura galega.

A páxina ofrécese en galego e en inglés: un bó xeito de mellora-las dúas línguas mentres elixes a túa vindeira lectura.

Consulta fichas de información completas con fragmentos das obras e imaxes da capa e ilustracións interiores.

Os libros que agora viaxan a través desta páxina son só unha primeira achega que irá medrando co tempo, unha morea de títulos ás que se sumarán máis e máis autores e autoras ate conformar un amplo corpus da nosa producción editorial. Esta primeira entrega é unha proposta das propias editoriais galegas que botaron un ollo aos seus últimos libros publicados e fixeron esta escolla para compartir co mundo enteiro. Esta web está aberta a recibir máis libros, para abrir pontes a través dun dos nosos máis prezados pasaportes: a lectura

The books travelling through this website at present are the first batch of a collection that will be increased throughout time, with many more books and authors until there is a wide corpus of our literary production. This first set is a proposal presented by Galician publishers themselves, who selected the books to be shared with the world out of their most recent publications. This website is open to books, to build bridges with our most precious passport: reading.

O galego, lingua internacional do amor

2009-05-19T12:01:00.000-07:00

Universidade de Zadar, Croácia, maio de 2009.

Durante a celebraçom dos III Dias das línguas e culturas ibero-románicas tivemos a oportunidade de conhecer a Blanca e a Tom.
Blanca é bósnia e aprendeu galego em Croácia. Tom, inglés, e aprendeu-no em Gales. Conhecerom-se em Compostela num curso de verao para estudantes estrangeir@s. Blanca nom lhe dixo a Tom que sabia inglés e conhecerom-se falando o seu galego de quem começa a falar.
Conhecerom-se até querer-se, em galego.
Quando acabou o curso de verao voltarom aos seus países. E continuarom a falar em galego, por teléfono, por internet, quase todos os dias.
Tamém inventam palavras em galego. Por exemplo com o diminutivo, e assi, como de "bonito" se di "bonitinho", -explica Tom-, a partir de "bo" inventamos "boínho".

Guai de pai!

Os Lobos de Moeche

2009-05-17T13:15:00.000-07:00

OS LOBOS DE MOECHE TEASER HD from luispa on Vimeo.

Miles de persoas reclaman máis ensino en galego

2009-05-17T12:03:00.000-07:00

'A maior protesta polo galego da Historia'

Ducias de miles de persoas reclámanlle á nova Xunta do PP que non derrogue o decreto que promove o galego do ensino. Fixérono nunha multitudinaria manifestación que ateigou esta mañá as rúas de Compostela.

Galego? Portugués? ou Galego-portugués?

2009-05-17T11:43:00.000-07:00

Artigo publicado por Garnixela em http://porquegalegos.blogspot.com
O feito de poder falar en galego con portugueses ou brasileios e ser entendido, non deixa de ser sorprendente, o primeiro que nos ven á cabeza é -que está ocorrendo aqui?, pois ben, desvelemos esa incognita, será que o galego provén do portugués, será que o portugués provén do galego?, resolvamos vellas cuestións.

Cal é a relación do portugués co galego?

Como é sabido, o galego é a lingua orixinaria de Galicia, ten a súa orixe principalmente no latín -como acontece co francés, catalán, italiano, ou castelán- e tivo o seu maior esplendor durante o medievo, sendo o idioma común dos habitantes do reino de Galicia antes de que o reino de Castela impuxera a súa lingua, o castelán.

Nesa época, na Idade Media, o reino de Galicia -que se extendía ata a cidade de Coimbra- atopábase formado por moitos condados, mais de entre todos, destacaba no sur o máis grande deles, chamado "Portugal". Este chegou a ser tan poderoso que no ano 1128, o seu conde -Afonso Henriques- declaraba a independencia do condado, polo que Portugal deixaba de pertencer ao reino de Galicia, convertíndose nun reino propio. Para reafirmar a súa independencia os portugueses comezarían a refererirse ao galego que falaban co nome de "portugués", o nome "galego" manteríase ao norte do río Miño. Unha mesma lingua con dous nomes.

Entón, que é iso do "galego-portugués"? (Ler máis...)

Censura artística da Xunta ou outra cousa?

2009-05-15T02:40:00.000-07:00

Pouco tempo mantivo a xunta no seu portal educativo a foto coas palabras de Ramón Piñeiro, rapidamente foi cambiada..........cal sería o motivo? Comparade a primeira foto coa segunda e sacade as vosas propias conclusións.

MANIFESTO DA REAL ACADEMIA GALEGA

2009-05-14T01:33:00.000-07:00

Dadas as últimas actuacións do actual goberno no tocante á lingua galega a Real Academia Galega divulga un manifesto ná véspera do Día Das Letras Galegas.

“Realidades, expresións, tramas. Arte en Galicia desde 1975”, en Ferrol

2009-05-08T09:22:00.000-07:00

Obra de Menchu Lamas, Os siameses do círculo

Salas exposiciones - Sede Fundación Caixa Galicia Ferrol - FERROL (A CORUÑA) . 07-mai-09 - 27-set-09

Luns a sábados: 10:00 h. a 14:00 h. e 17:30 h. a 21:30 h.
Domingos e festivos: 11:00 h. a 14:00 h.

Visitas guiadas:
Público en xeral: mércores, 19.30 h.

Grupos: cita previa no 981 330 280

Dá comezo a terceira mostra do proxecto expositivo ‘Miradas’ na cidade ferrolá, baixo o título “Realidades, expresións, tramas. Arte en Galicia desde 1975”. A destacada comisaria Iria Candela proponnos unha nova mirada á arte galega contemporánea que se inclúe nos fondos da Colección Caixa Galicia, revisando con ela unha ampla escolma de obras das tres últimas décadas, imprescindibles na devandita colección e no eido da arte galega. Artistas xenuínos do noso territorio reúnense na mostra que poderemos visitar desde o 7 de maio ata o 27 de setembro, na Sede Fundación Caixa Galicia de Ferrol.

A Regueifa, un mundo de músicas galegas

2009-05-08T04:53:00.000-07:00

Descarga música de balde na Regueifa

A Regueifa Plataforma é un netlabel sen ánimo de lucro dende o que todos aqueles creadores e creadoras que o desexen poden difundir, distribuir e amosar a súa obra libremente baixo licenza Copyleft. Non importa o que fagas (música, videocreación, fotografía, poesía, pintura, banda deseñada, cinema...) nen como o fagas, se é dixitalizábel e queres difundilo na Rede a través do noso netlabel simplemente escrébenos a info@aregueifa.net.

Nova oferta de portugués no noso IES

2009-05-07T13:03:00.000-07:00

O curso que ven o Departamento de Galego ofertará lingua portuguesa dentro das optativas e como 2ªlíngua estranxeira. En breve teremos máis información

Máis de 5.000 persoas apoian nas redes sociais a manifestación a prol do galego

2009-05-07T13:00:00.000-07:00

07/05/2009 - Galiciaé

A Mesa Pola Normalización Lingüística confirmou que unhas 5.400 persoas se sumaron á manifestación promovida polo colectivo para o vindeiro 17 de maio en defensa do galego, a través das redes sociais Tuenti e Facebook.Ler máis

Ultima enquisa do uso do galego

2009-05-07T12:55:00.000-07:00

Un 51,4% da sociedade asegura que utiliza de xeito frecuente a lingua propia fronte ao 29% que o fai só en castelán. Ser ou non ser? Galego ou castelán? Esa é a cuestión. E neste polémico tema do idioma, Lugo e Ourense son, por esta orde, as provincia que rexistran un uso máis frecuente do galego fronte ó castelán, cunhas porcentaxes do 65,2 e 64,5%, respectivamnte, de poboación que emprega habitualmente a lingua materna para expresarse.Ler máis

RAMÓN PIÑEIRO

2009-04-28T02:37:00.001-07:00

Este ano adícase o DÍA DAS LETRAS GALEGAS a Ramón Pineiro López, destacado filósofo, ensaísta, activista, editor e creador da sociolingüística galega.
Ramón Piñeiro nace en Armea, concello de Láncara (Lugo) o día 31 de maio de 1915. No seo dunha familia campesiña modesta.
Vai estudar a Lugo e nese período ingresa nas xuventudes do Partido Galeguista.
Nas Asambleas do Partido Galeguista entrará en contacto con outros importantes galeguistas: Castelao, Alexandre Bóveda, Pedrayo..
Ante o alzamento militar de 1936, moitos membros do partido galeguista foxen ó exilio. Piñeiro, ante as denuncias impostas contra el, decide loitar na guerra civil e loitar no bando nacional.
Ó rematar a guerra volta a Galicia, estuda filosofía e letras, pero abandonará todo pola política
En 1943 participa na reorganización clandestina do Partido Galeguista.
Pensando nunha posible caída do réxime franquista, e como representante do Partido Galeguista, reúnese con outros partidos e cos nacionalistas cataláns e vascos. Foi tamén o representante do galeguismo nas negociacións co goberno republicano.
Debido a estas actividades, foi encarcerado . Logo da saída do cárcere, casa con Isabel López e se instala definitivamente en Santiago.
Visto que a restauración da República era imposible, Piñeiro opta pola actividade cultural fronte á loita política, feito que o afastaría de Castelao.
En 1950 funda a editorial Galaxia e en 1951 funda, xunto con Fernández de Riego, a revista Grial, publicación que sería censurada por Fraga Iribarne ó ano seguinte e durante 10 anos.
A obra de Piñeiro céntrase na filosofía da saudade,
Os seus traballos de tradución foron decisivos na normalización do galego.
En 1967 foi nomeado menbro da Real Academia Galega.
En 1983 foi elixido 1º presidente do Consello da Cultura Galega.
Morre o 27 de agosto de 1990.

O Ghaiteiro de Trashmonte

2009-04-24T02:55:00.000-07:00

Temos un novo nome para o noso grupo de rock O GHAITEIRO DE TRASHMONTE.

Contacontos

2009-04-24T02:46:00.000-07:00

Saúdos!

O día 21 de maio teremos no centro a actuación do contacontos Celso Fernández. Seguro que a súa actuación gustará a todos os espectadores.

Correlingua

2009-04-24T00:41:00.000-07:00

Saúdos!

Como tódolos anos vai comezar o correlingua, unha carreira a favor da nosa lingua. O día elixido é o 13 de maio e o lugar de celebración é FIMO en A Malata.

Programa:

10:00 - 10:30 H. Chegada do alunado ó recinto e inicio da CARREIRA polo paseo marítimo.

10:30 - 12: 00 h.Festa final coas seguintes actuacións: Lectura do manifesto - Actuacións dos centros - Fantoche baj - Malabares - "A polo ghit"

12:00 - 12:30 h. Despedida dos participantes e saída dos autobuses.

Próxima visita de Vicente Araguas, fundador de Voces Ceibes

2009-04-20T10:43:00.000-07:00

O venres 15 de maio visitará o Centro o nedense Vicente Araguas...
Voces ceibes: documental "Galicia na Transición"

Vicente Araguas

View more presentations from fernanesquio.

Letras galegas

2009-04-20T02:03:00.000-07:00

CONCURSO DAS LETRAS GALEGAS
- Composición en lingua galega ( poesía, conto, chiste, lenda.....).
- Tema: libre
- Pódese presentar por escrito e /ou oral (puntuarase favorablemente que sexa unha exposición oral):
Por escrito ten que ser unha composición orixinal.
Por oral pode ser unha composición orixinal ou non . Os textos poden ser lidos ou representados e serán proxectados na televisión interna do instituto.
Premio: 20 euros en material escolar (para o 1º premio). 15 euros en material escolar (para o 2º premio) e 10 euros en material escolar (para o 3º premio).
- Data límite: Segunda semana de maio
Para calquera dúbida falade con Consuelo.

Poesía e imaxe

2009-04-20T01:47:00.000-07:00

O día 4 de maio inaugúrase a exposición Poesía e Imaxe. Lembrade que Miriam Ferreiro será a nosa representante. A Inauguración será o 4 de maio ás 19:00 h no Centro Cultural Carballo Calero. Tamén podedes velo dende 0 4 ata o 8 de maio de luns a venres

astronomía ,en galego

2009-04-03T14:28:00.000-07:00

Xa saeu do prelo a Guía do ceo 2009 preparada e revisada pola editorial Le Pourquoi Pas. E por ser o Ano Internacional da Astronomía este ano é de balde: nos próximos meses a Concellaría de Cultura do Concello da Coruña distribuirá gratuitamente dez mil exemplares en galego.

Aquí podes ver o ceo de hoxe visto dende Neda Tés que por en "observing site", latitude 43 North e longitude 8 West.

50 anos de "A Esmorga"

2009-04-03T13:35:00.000-07:00

Hai médio século, Blanco Amor agasallounos cunha milagre literaria.

Aínda hoxe "A Esmorga" sorprende.
Por como está escrita. Pola súa estrutura interna. Pola voz dos personaxes, incluso dos que non teñen voz. Pola temática escollida. Polo xeito de amosar un mundo, un universo, as almas e as vidas. Literatura con L grande. Un clásico.
Hai unanimidade ao respecto desta obra. Poderemos elaborar todas as listas que nos apeteza facer, poderemos consultar os especialistas que queiramos consultar, que A Esmorga sempre ha estar entre esas cinco lecturas esenciais para entendermos un mínimo da nosa literatura.
Hai 50 anos Eduardo Blanco Amor obrou a milagre. Medio século despois, fregamos os ollos diante de tanto talento.
Hoxe, as homenaxes ao libro de Blanco Amor sucédense por todo o país. Desde a homenaxe que o Pen Clube desenvolverá no Centro Cultural da Deputación de Ourense, aos xornais do país que lle dedican páxinas ou, mañá, suplementos especiais. Os principais escritores de nós opinan nos medios. Os periódicos narran tamén a odisea particular, por mor da censura franquista, que o orixinal tivo que pasar ata ver a luz.

A opinión, insistimos, é unánime: A Esmorga é unha das cousas máis importantes que lle sucederon á nosa cultura.
Dentro doutros 50 anos, sabémolo, a opinión seguirá a ser igual de unánime.
(da web da Editorial Galaxia)

Con motivo do 50 aniversario da Esmorga
O Festival de Cine de Ourense homenaxeará a Eduardo Blanco Amor

Unha exposición achega a faceta menos coñecida do escritor
O Verbum achega o Blanco Amor Fotógrafo

O Pen Club promove esta iniciativa
Ourense celebrará o Ano Blanco Amor en 2009

Poemas inéditos de Eduardo Blanco-Amor verán a luz nunha edición facsímile

Audios, extras catalogados e demais material sobre o escritor, dramaturgo e xornalista
Ficha do Autor en LG3

Dous escoceses amantes do galego

2009-03-28T12:44:00.000-07:00

Aniversario de Carvalho Calero en Radiofusión

2009-03-25T11:53:00.000-07:00

As colaboracións nas revistas Vida Gallega e Maruxa foron os primeiros textos publicados por Ricardo Carvalho Calero, segundo indicaba o escritor ferrolán en 1989. O catedrático de lingua e literatura galega morreu o 25 de marzo de 1990. Cúmprense hoxe os 19 anos do seu pasamento.
Ver nova en Radiofusión

Novo web sobre o patrimonio cultural galego

2009-03-16T06:50:00.000-07:00

A Dirección Xeral de Patrimonio Cultural, dependente da Consellería de Cultura e Deporte, acaba de presentar un atractivo web enteiramente dedicado ao patrimonio cultural de Galicia

contacontos

2009-03-13T02:26:00.000-07:00

Vaise organizar proximamente no instituto un concurso de contacontos, seguro que no centro atoparemos a un futuro artista, anímate!
Mentres, se queres, podes disfrutar con algunha actuación de varios dos contistas con máis sona: Cándido Pazó , Paula Carballeira, Blanco...(páxina de toutube)

versión xaponesa de Cantares gallegos

2009-03-12T17:07:00.000-07:00

A obra máis coñecida de Rosalía de Castro, Cantares gallegos, acaba de ver a luz nunha edición bilingüe galego-xaponés. O volume foi traducido por primeira vez á lingua do País do Sol Nacente por Takekazu Asaka, profesor de Filoloxía Románica na Universidade Tsudajuku. O autor participou esta mañá canda a Marisol López, secretaria xeral de Política Lingüística, na presentación da obra en Compostela. O departamento da Xunta colaborou á hora de financiar esta edición de quiñentos exemplares, que inclúe ademais un CD con poemas de Rosalía interpretados pola pianista Rika Nishikawa e mais a soprano Miho Hago. Ao tempo, o libro conta cun prólogo a cargo de Xesús Alonso Montero.

sesión cinematográfica

2009-03-11T02:35:00.000-07:00

O luns día 16 de marzo teremos no instituto unha sesión cinematográfica. Proxectaremos a película O AGASALLO DE SILVIA . Unha película estupenda sobre a doación de órganos e con magníficas actuacións. Está dirixido especialmente a segundo ciclo da ESO e bacharelato(Por suposto calquera membro da comunidade educativa poderá asistir). A proxección realizarase o día 16 de marzo ás 16:15 na sala de audiovisuais.

Obradoiro de creación literaria

2009-03-10T02:28:00.000-07:00

Este mes de marzo comeza un obradoiro de creación literaria no Instituto Fernando Esquío dirixido pola escritora Estíbaliz Espinosa. O obradoiro está dirixido ós alumnos da ESO e se desenvolverá os días 24, 27 e 31 de marzo e os días 3 e 14 de abril.

Antón Riveiro Coelho

2009-03-09T03:14:00.000-07:00

Ola a todos!
O día 28 de abril teremos no instituto a sorte d contar coa visita do escritor Antón Riveiro Coelho, para falarnos da súa obra en xeral e moi especialmente de A voz do lago e OS ollos de K .
Actualmente Antón Riveiro está considerado como un dos escritores que mellor coñece e utiliza a nosa lingua; sempre é un pracer lelo.